Inicio

Sede Electrónica

Sede e

Contacto

Mail alcalde Concello de Riotorto

Calendario

«  
  »
L M M X V S D
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30
 
 
 
 
 
 

REPRESENTANTES DUNHA ONGD PERUANA PARCEIRA DO FONDO GALEGO DE COOPERACIÓN VISITAN RIOTORTO

Representantes dunha ONGD peruana parceira do Fondo Galego de Cooperación e Solidariedade visitan Riotorto

 

Representantes do Centro de Promoción do Desenvolvemento e a Educación (CEPRODE) chegados dende o Perú visitarán o Concello de Riotorto da man do Fondo Galego de Cooperación e Solidariedade.

Esta asociación galega, da cal forma parte o Concello de Riotorto, convidou á ONGD peruana a presentar en Galicia as accións a prol dun desenvolvemento sustentable que desenvolve no país andino con apoio do Fondo Galego.

 

A iniciativa enmárcase dentro da programación de ‘Visitas ao Norte’ que o Fondo Galego leva a cabo entre as súas actividades de sensibilización, xa que con este exercicio as administracións socias, como é o caso de Riotorto, e a súa cidadanía poden coñecer de primeira man o labor que se realiza cos seus recursos nos países do SUR. Ao mesmo tempo, favorécese o intercambio de ideas entre profesionais e activistas de sectores de traballo homólogos nas dúas beiras do Atlántico, xa que a delegación peruana non só se vai reunir con representantes políticos senón tamén con asociacións de mulleres, inmigrantes, campesiños,…

 

O director financeiro de CEPRODE, Pedro Almendáriz, e a alcaldesa de Altavillos Alto, Rosario Huamán, participarán nestes encontros que terán lugar o luns 24 de maio.

Ás 15 horas terá lugar a recepción institucional e posterior xantar, e ás 16:30 celebrarase unha xuntanza coa Asociación de Mulleres Rurais Pobo de Miranda e a Cooperativa de Labregos de Lugo.

 

 ‘Xestión do desenvolvemento sustentable en municipios rurais andinos’ é o título do proxecto no que CEPRODE e o Fondo Galego traballaron durante o ano pasado na rexión de Lima. Dende 2004, CEPRODE e o Fondo Galego veñen sumando esforzos nesta zona en torno ao desenvolvemento local e rural das comunidades andinas, integrando os enfoques de desenvolvemento humano e sostible con perspectiva de xénero, mediante o deseño de plans específicos, contribuíndo á erradicación da pobreza prestando especial atención á formación da muller campesiña para avanzar na igualdade.

Tablón Municipal

AGLOMERADO DE PISTAS EN ALDURFE, VILASECA E SANTALLA
https://www.facebook.com/888914634512979/photos/a.899211493483293.107374...